«ՀԱՍԱՆ-ՋԱԼԱԼՅԱՆՆԵՐ»  ԶԱՐԳԱՑՄԱՆ, ՄՇԱԿՈՒԹԱՅԻՆ, ԲԱՐԵԳՈՐԾԱԿԱՆ ՀԻՄՆԱԴՐԱՄ
		ԶԻՆԱՆՇԱՆԸ
Գլխավոր    ԳԱՆՁԱՍԱՐ - 770    Հասան Ջալալ    Գանձասարի պարսպի խնդիրները    Ֆոտոշար    Խոխանաբերդ    Դարպասներ    Կտակ    Հավապտոկ    Գանձասար    Վանք գյուղը

Ընդհանուր դրույթներ

1. "ՀԱՍԱՆ ՋԱԼԱԼՅԱՆՆԵՐ" երկրի զարգացման, մշակութային, բարեգործական հիմնադրամը երկրի զարգացման նպատակներ հետապնդող, կառուցողական կազմակերպություն է։
2. Հիմնադրամը կարող է ունենալ մասնաճյուղեր կամ ներկայացուցչություններ արտասահմանյան երկրներում, պետություններում։
3. Համախմբելով Հասան Ջալալյան իշխանական տոհմի ժառանգներին, ազգանվեր անհատներին ու կազմակերպություններին, շարունակել այդ տոհմի դարեր շարունակ վարած կառուցողական, բարեգործական, կրթական, մշակութային-շինարարական ռազմավարական գործունեությունը՝ գնահատելով և հանրությանը ներկայացնելով յուրաքանչյուրի ներդրումն ու տարբեր միջոցներով մասնակցությունը այս ազգանվեր աշխատանքներին;

Հիմնադրամի ծրագրերն են՝

1. Վանք /Գանձասար/ գյուղում գտնվող Հասան Ջալալյանների տունը վերակառուցել և ամբողջ շենքը իր սկզբնական ոճով դարձնել Հասան Ջալալյանների տուն-թանգարան:
2. Հրատարակել գիրք-ալբոմ՝ Գանձասարի, Վանքի, Խաչենի /Մեծառանք/ իշխանության, Առանշահիկ Հասան Ջալալյան տոհմի գոյություն ունեցող /անցած/ և շարունակվող /ներկա/ իրական ժառանգների պատմության մասին:
3. Կազմակերպել տարբեր բնույթի օգնություններ Արցախյան պատերազմում զոհվածների և հաշմանդամների ընտանիքներին:
4. Զբաղվել ծանր հիվանդություններով տառապող, բայց բուժման ենթակա երեխաների առողջության վերականգնման խնդիրներով՝ հայրենի և արտասահմանյան երկրներում գոյություն ունեցող բուժական-վերականգնողական կենտրոններում:
5. Պայմաններ և աջակցող միջոցներ ստեղծել ծնելիության աճի զարգացման համար:
6. Վանք գյուղում կառուցել,
ա) մշակութային կենտրոն,

• երաժշտական դպրոց,
  
• գեղանկարչության դպրոց,
  
• տոհմի պատմության թանգարան-արխիվ,
  
• գրադարան և այլն,
  
• թատրոն, կինոյի շենք,
  
• Արցախի ավանդական արհեստագործության կենտրոն (գորգագործություն, կարպետագործություն և այլն);
  
  բ) մանկապարտեզ,
  
  գ) երեկոյան դպրոց Արցախյան ազատամարտի պատճառով ու հետևանքով ուսումը կիսատ թողած բնակիչների համար,
  
  դ) ատամնաբուժական կենտրոն շրջակա բնակավայրերի համար,
  
  ե) նախկին պատմական զբոսայգին,
  
  զ) հյուրանոց,
  
  է) հասարակական բաղնիք :

7. Կառուցել և վերակառուցել,
ա) պատերազմի հետևանքով ավերված տները,
բ) գյուղում գոյություն ունեցող, բայց չգործող ու նոր աղբյուրներ, դրանով իսկ լուծել խմելու ջրի խնդիրը։

8. Վերանորոգել Վանք գյուղի երկհարկանի դպրոցը և դարձնել ժամանակակից չափանիշներին համապատասխան:
9. Ուրախության և տխրության հանդիսությունների տուն:
10. Ցանկապատել Գանձասարի վանքի հարավակողմյան պարսպից դուրս գտնվող Հասան-Ջալալյան տոհմի գերեզմանոցը, կազմակերպել նրա կարգավորումը և ուսումնասիրությունները մասնագետների կողմից։
11. Կազմակերպել մշակութային շինությունների պեղումների աշխատանքները և կատարել դրանց վերականգնումը, վերակառուցումը։
12. Շուշիում ստեղծել և կառուցել.
ա) կիսաավերակ դարձած Հայոց թեմական I դպրանոցը, որը պատկանում էր Բաղդասար Մետրոպոլիտ Հասան Ջալալյանին,
բ) նոր, բարձրակարգ թատրոնի շենք,
գ) գրադարան,
դ) գեղարվեստի ցուցասրահ,
ե) մեծ համերգասրահ,
զ) գիշերօթիկ մանկապարտեզ-դպրոց։